01/01/2010 最後要睇返零九年既目標做成點 首要：重考會考拎5* 有其中一兩份卷拎到我都好開心架啦其實~希望可以成真 年中預算：中文應該無問題，英文都應該合格掛 最後成績：一份卷五星都無呀～！！！！！！ 不過英文合格，Writing合格，Oral拎４，非常滿意！ 附帶：入浸大副學士（目標取消目標重整） 真係好想可以返去讀書讀體育，不過依家實在太多不明朗因素係眼前，唔知可以點呢？ 取消原因：放棄左用咁多錢同時間去做呢件事，倒不如望清楚自己工作前途會係點先 九月進度：結果放左榜，都係走左去報浸大，最後佢收左我讀社會科學，當然完全唔服氣。即時走去見教育學院，即時收，試都唔使考，非常好！ 年終報告：成績都唔錯，不過班同班同學硬係怪怪地…哎 其次：招收十個新生 今年都只係收多左五個新人，兩個打比賽有成績 希望可以呢一年有一倍增長！ 附帶：直屬學生比賽得獎率維持最少八成 今年比賽自己練出黎既學生得獎率有十成，希望下年可以維持最少八成啦 年中報告：其實嚴格黎講都多左三個直屬新生，有兩個黑帶添，但依舊希望大埔場可以收多Ｄ人！但同時…今年好似仲未有比賽 九月進度：無增長，一個學生打過散打，拎唔到冠軍。十一月有ＩＴＦ賽，全力培訓中 年終報告：係教院開班成功收到超過二十人，恭喜恭喜，唯一超標完成既目標。 可惜既係…今年得獎率…係零Ｔ＿Ｔ！！！！！一塊金牌都拎唔到 第三：完成一份小說 寫到一半，希望可以完成首部曲先。如果可以出到書就更好 五月進度：極慢！！！！！！仲未有耐呀～！！！ 九月進度：「止戈唯武」首部係完成左，但拖遲緊第二部。 年終報告：作多左份參加學校比賽既小說，希望有好成績。 第四：練肌肉 希望下年可以變成小型筋肉人＾０＾ 五月報告：個胸就開始有小小肉啦…但未有耐到目標－＿－ 九月報告：隻手修得好左少少，但係同我個目標仲係差好遠好遠好遠－＿－ 年終報告：呢Ｄ咪可以稱得上為完全失敗… 最後：賺錢 下年今日可以儲到半份首期就好啦（不過抽到公屋都唔錯） 五月報告：無法匯報－＿－… 九月報告：仍然無法匯報－＿－…………… 年終報告：賺到呀～！！！！！！我借到政府Ｄ錢＝＿＝…算唔算賺到…… | 
